Хууль зүйн дэд сайдаар ажиллаж байсан Б.Энхбаяр гэх залуу нэгэн цагт дор нь ажиллаж байсан Хууль зүйн сайд Ц.Нямдоржийг хатуухан шүүмжилжээ. Тэрбээр хэлэхдээ "Анх өөрөө шалгалтын Ажлын хэсэг ахалж, 1.3 их наядын зөрчил шалгаж илрүүлснээс хойш яг 3 жилийн дараа Хөгжлийн банкныхны гэмт хэргийг хэрэгсэхгүй болголоо. Ингэхдээ хөөн хэлэлцэх хугацаагаар шүү...Үнэхээр гомдмоор. Зэвүү хүрч байна. Тэр үeд чухам л шууд барь хорь, чи хариуцлага тооцохгүй байна, удаан байна гэж мань мэтээс шударга ёс нэхэж байсан Ц.Нямдорж сайд өөрөө авлигачидад ял завшуулсаар байгаа хөөн хэлэлцэх хугацааг засах хуулийг засахгүй бүтэн 1 жил хагас дарсаар байгаад тэдэнд ял завшуулж хариуцлагаас мулталлаа даа...Шударга ёсны баг зүүсэн Ц.Нямдорж ЗАЙЛ. Одоо болно..." хэмээжээ
