Шинэ парламентын анхны чуулганыг хааж УИХ-ын дарга хэлсэн үгэндээ ээлжит бус чуулганыг зарлан хуралдуулна гэдгээ мэдэгдсэн. Анхдугаар чуулганаар гишүүд тангарагаа өргөж, Ерөнхий сайд танхимаа бүрдүүлээд буй. Тэгвэл ирэх сарын эхээр зарлах ээлжит бус чуулганаар 2020 оны төсөвт тодотгол хийх асуудлыг хэлэлцэхээр төлөвлөжээ. Цар тахалтай холбоотойгоор төсвийн орлого тасарч, гүйцэтгэл хангалтгүй байгаа учраас төсөвт тодотгол хийхээр болсон гэдгийг Ерөнхий сайд хэлж байсан юм.
