Хэнтий аймгийн Батноров сумын 7 дугаар багийн “Бэрх тосгон” дахь Жонш олборлох уурхайд хүн унаж нас баржээ. Энэ ослын тухай дуудлагыг өчигдөр /2021.04.26/ 15:28 цагт хүлээн авч тус аймгийн Онцгой байдлын газрын Батноров сум дахь Гал түймэр унтраах, аврах 42 дугаар ангийн алба хаагчид 3 км замыг туулан 15:32 цагт очсон байна. Алба хаагчдыг очиход “Баялаг Бэрх” нөхөрлөлийн жонш олборлох уурхайд тус аймгийн харьяат 43 настай Ү /эрэгтэй/ нь жонш тээвэрлэдэг яшикыг лифт рүү түрж явж байгаад 50 метрийн гүнтэй нүхэнд унаж нас барсан байдалтай байсан бөгөөд мөн өдрийн 18:35 цагт цогцсыг гаргаж, сумын Цагдаагийн тасгийн даргад шилжүүлж өгчээ.
Тус уурхай нь аймгийн төвөөс зүүн зүгт 70 км-т, Бэрх тосгоноос зүүн урд зүгт 3 км-т оршдог байна.
скачать dle 12.0
