Нийслэлийн нийт хүн амын 50 болон түүнээс дээш хувь нь нэмэлт тун вакциндаа хамрагдвал улбар шар түвшнээс шар түвшинд шилжиж, хэвийн амьдралд орох боломж нээгдэнэ гэдгийг Хотын дарга тодотголоо.
Энэ талаар Нийслэлийн Засаг дарга бөгөөд Улаанбаатар хотын захирагч Д.Сумъяабазар “Сүүлийн хоёр жилийн турш ердийн амьдралын хэмнэл алдагдлаа. Залуучууд нэмэлт тунд хойрго хандаж байгаагаас улбар шар түвшнээс ахиж чадахгүй байгааг хойшид анхааръя. Дэлхийн улс орнуудад нэмэлт тунгүй олон орон бий. Бүрэн тундаа ч бүрэн хамрагдаагүй, вакцингүй олон сая хүн бий. Харин бид хэд хэдэн төрлийн вакцинаас сонгон тариулж байгаа. Тиймээс боломжоо ашиглаж, нийслэлээрээ шар бүс рүү тэмүүлцгээе” гэв.
