Энэ оны эхний есөн сарын байдлаар гадаад худалдааны нийт бараа эргэлт 15.3 сая ам.доллар болж, өмнөх оны мөн үеэс 32.5 хувиар өссөн тухай Гаалийн Ерөнхий Газраас мэдээлэв. Экспортын хэмжээ ч нэмэгдэж, импортын дүнгээс 2.6 сая ам.доллароор давж, гадаад худалдааны баланс ч эерэг гарсан байна.
Харин импортын хувьд автобензин 483.5 мянган тонн болж өнгөрсөн оны мөн үеэс 33.6 хувиар өссөн бол дизель түлш 698.3 мянган тонн болж 5.4 хувиар буурсан байна. Импортоор орж ирж байгаа суудлын автомашины тоо 51,700 ширхэг болж өнгөрсөн оны мөн үеэс 24.6 хувиар өссөн бол ачааны автомашины импортын хэмжээ буурчээ.
