Өмнөговь аймаг жил бүр аль нэг салбарыг онцолдог. Энэ жил аймгийн хэмжээнд Боловсролыг дэмжих жил. 30 тэрбум төгрөгийн бүтээн байгуулалтыг хийхээс гадна 300 багшийг дэмжиж магистрт сургаж байна. Зорилтот жилийн хүрээнд хичээлийн шинэ жилийг угтан аймгийн удирдлагууд Ерөнхий боловсролын сургуулийн сурагчдын төлөөллийг ӨГЛӨӨНИЙ ЦАЙ-нд урьж тэдний санал бодлыг сонслоо.

Хүүхэд хүүхдээсээ илүү суралцдаг. Тиймээс бие биенээсээ суралцах боломжийг дэмжих, улмаар уралдаан тэмцээн, илтгэх урлаг, мэтгэлцээн зэрэгт багш эцэг эхчүүд, аймаг орон нутгийн удирдлагуудын бодит дэмжлэг хамгийн чухал. Мөн сургууль бүрт сэтгэл зүйчтэй болох асуудлыг нэн тэргүүнд шийдвэрлэх шаардлагатай. Сэтгэл зүйчгүйн улмаас асууж тодруулах зүйлсээ ээж аавдаа тэр бүр хэлж чаддаггүй найз нөхөддөө ярьдаг. Заримдаа багш, ээж ааваасаа нуух тохиодол цөөнгүй тиймээс мэргэжлийн сэтгэл зүйчтэй болох асуудлыг хөндөж байлаа.